في الدرس السابع عشر نتعرف على مفهوم “الدولاب” في الموسيقى الشرقية و نتعلم مثالين على الدولاب من مقام البيات.

طارق الجندي:

"مرحبا، أنا طارق الجندي من إعزف دوت كوم، و اليوم بدرسنا رقم سبعطعش راح نتعرف على تطبيقين مثالين على مقام البيات و اللي هم دولاب بيات واحد و دولاب بيات تنين، و شو يعني دولاب؟ هو مقطوعه صغيره متل إستهلال، بتكون قصيره جدّاً عشان تثبت المقام للمستمعين و للمغني كانوا يستخدموها قبل ما المغني يعمل موال و يفوت بالوصله اللي هي عادةً بتحمل مقام واحد، فمثلاً لما كان المغني بده يعمل وصلة بيات، بالأول الفرقه الموسيقيه بتمثله بتعمله هادا الدولاب أو هادا الإستهلال، نحاول نقرأ دولاب بيات، زي ما إحنا شايفين بيات لإن أحنا في عندي سي بي مول و مي نصف بي مول كدليل مقام في أول المقطوعه الموسيقيه، موداراتو هاي هي الأسماء لسرعات التيمبو اللي هي موجوده على الميترونوم ممكن تنزلوها على الإنترنت بيكون في عندي شيت، هي هاي كلها أسماء إيطاليه، موداراتو معناها ميديت سبيد يعني سرعه متوسطه و راح نشوف عنا كتير أسماء متل الليغرو سريع، بريستو معناها سريع جداً لإن كلها هاي كلمات إيطاليه، نيجي نتطلع على دولاب بيات واحد، بدنا نقرأه مع المترونوم إيقاعيّاً، (يقرأ الأستاذ طارق التمرين قراءة ايقاعية)، تتي تتي تا تا تتي تتي تا تا تتي تتي تا تا تتي تتي تا، بعد علامة الإعاده تتي تتي تتي تتي تا، رست رست، بالآخر زي ما إحنا شايفين هاي العلامه اللي هي متل المربع الملزق بالسطر التالت هاي رست لمدة زمنين، فبدل ما نكتبهم منفصلين بنحط هاي العلامه، نحاول نقرأه مع النوتات، ثري فور (يقرأ الأستاذ طارق التمرين قراءة ايقاعية)، لا صول صول فا صول صول لا صول فا مي فا فا صول فا مي راي مي فا صول فا مي راي راي، بعدين، لا صول صول فا فا مي مي راي راي، رست غو (يعزف الأستاذ طارق التمرين)، تتي تتي تا تا داون أب داون أب داون أب داون داون داون أب داون أب، ون بنعيد تو (يعزف الأستاذ طارق التمرين)، ون تو (يعزف الأستاذ طارق التمرين)، ون تو رست رست، نتطلع على دولاب بيات رقم تنين، دولاب بيات تنين في عندي كم من علامة إعاده بدي أشرحهم، أول إشي راح نبلش نعزف من البار رقم واحد، إنكمل للمازورا الأولى بالسطر التاني بعدين راح نرجع نعيد من أول بعدين راح ننزل للمازورا التانيه بالسطر التاني و نكمل، في عندي بالسطر الأخير علامة إعاده، بس علامة الإعاده مكتوب قبليها واحد و محطوط سهم، بعدين بعد علامة الإعاده مكتوب تنين و محطوط سهم، و هاي رقم واحد بنسميها بريما اللي هي الإعاده الأولى، و بعدين في عندي علامه رقم تنين بنسميها سيكوندا اللي هي الإعاده التانيه، و اللي راح يصير كالتالي، إبتداءً من المازورا التانيه بالسطر التاني لما فتحت علامة الإعاده، راح أعزف بعدين راح أنزل على السطر اللي تحت، راح أعزف اللي هي الإعاده الأولى بريما و راح ألاقي علامة الإعاده، في المره التانيه لما برجع، بعزف من هادا السطر من السطر التاني من المازورا التانيه بالسطر التاني، راح أكمل و لكن في المره التانيه راح أقفز عن الإعاده الأولى و أروح للإعاده التانيه، فبالإعاده الأولى بعزف المازورا اللي مكتوب عندها واحد اللي هي البريما و في الإعاده التانيه بعزف المازورا التانيه اللي مكتوب عندها تنين اللي هي السيكوندا، و هلأ هادا الحكي راح يبين، خليني أشوف مع المترونوم، ون تو ثري فور من أول (يقرأ الأستاذ طارق التمرين قراءة ايقاعية)، لا لا لا صول فا صول لا سي دو راي سي لا صول فا صول لا فا صول فا مي راي، إنط عن علامة الإعاده، لا لا لا صول فا صول صول صول فا مي فا فا فا مي راي مي فا راي، برجع، لا لا لا صول فا صول صول صول فا مي فا فا فا مي راي مي فا راي، ختمت عالسيكوندا نطيت عن البريما و رحت عالسيكوندا، هلأ بدي أعزف بتبين أكتر، ثري فور (يعزف الأستاذ طارق التمرين)، بنرجع بنعيد (يعزف الأستاذ طارق التمرين)، تو اللي بعده (يعزف الأستاذ طارق التمرين)، ون تو بنرجع للإعاده لا (يعزف الأستاذ طارق التمرين)، إتذكروا بدنا نقفز عن البريما و نروح عالسيكوندا، سيكوندا (يعزف الأستاذ طارق التمرين)، هيك بيكون خلص دولاب البيات التاني و تعرفنا على علامة البريما و علامة السيكوندا و إيش بيعملوا كيف عملية القفز هاي علامات المرجعات اللي بنسميها ريبيت ساينز اللي هي علامات الإعاده، بتفيدنا بإني أنا ما أكتب المقطوعه مره تانيه، بيكون في شوية رموز بتفرجي العازف كيف إن يرجع يعزف و من وين يرجع يعيد و بالنهايه المقطوعه بتصير كتابتها قصيره أحسن ما إني أكتب و يكون في عندي كتير ورق و كتابه، و هيك بنكون خلصنا درس رقم سبعطعش."