في الدرس الثاني نتعرف على المدرج الموسيقي و عناصره و نتعرف على النوتات الموسيقي الأساسية و الزمن المقترن بكل منها. 

طارق الجندي: 

"مرحبا، أنا طارق الجندي من إعزف دوت كوم، اليوم بدرس رقم تنين راح نتعرف على بعض المفاهيم اللي راح    تستمر معانا لما بدنا نيجي نطبق بشكل عملي, أول إشي بدنا نتعرف على مفهوم الزمن: هو القيمه الزمنيه لكل  نغمه من النغمات المكتوبه على المدرج الموسيقي، و المدرج الموسيقي هو الإشي اللي راح نتعرف عليه تاني     إشي. نيجي نتطلع على الزمن و على أشكال العلامات اللي موجوده، أول إشي عندي هاي العلامه إسمها المستديره بالعربي و بالإيطالي أو بالفرنسي بنسميها روند، و هاي معناها زمنها لازم يستمر لمدة أربع ضربات، يعني أنا لو مسكت أي نغمه في الدنيا لازم يستمر زمنها لأربع ضربات، يعني بدها تكون (يقرأ الأستاذ طارق التمرين قراءة       ايقاعية) ون تو ثري فور، (يقرأ الأستاذ طارق التمرين قراءة ايقاعية) ون تو ثري فور، أنا عم بكرر هون أكتر من مره، فهاي المستديره، لو إجينا مثلاً على النغمه التانيه اللي هي البيضاء بنسميها بلانش، هاي زمنها لازم يستمر لمدة ضربتين يعني لازم تكون بهالشكل (يقرأ الأستاذ طارق التمرين قراءة ايقاعية) ون تو ون تو ون تو، و علامة السوداء اللي هي زمنها ضرب فهي بدها تكون بهالشكل (يقرأ الأستاذ طارق التمرين قراءة ايقاعية) ون ون ون ون، بعدين في عندي علامة ذات السن أو بنسميها كروش و هاي زمنها نص ضربه، و هاي راح نشوفها إحنا بعدين كيف راح  نعزفها، ما بنعزف النص ضربه لحالها، بنعزف مثلاً كل نصين بيساووا واحد، يعني ضربتين بزمن ضربه، بعدين  في عنا ذات السنين اللي بنسميها دبل كروش اللي هي ربع ضربه، فكل أربع ضربات دبل كروش بنجمعهم مع     بعض بيعطونا زمن واحد، في عنا ذات الثلاث أسنان التريبل كروش اللي هي واحد على تمنيه من الضربه يعني كل تمن ضربات بزمن ضربه، في عنا الكواتر دبل كروش اللي هي ذات الأربع أسنان اللي هي واحد على سطعش من   الضربه، خلينا نيجي نطبق هادا الموضوع على المترونوم، يعني أنا مثلاً لو على مترونوم تنين و خمسين ضربه في الدقيقه إجينا حطينا (يقرأ الأستاذ طارق التمرين قراءة ايقاعية) ون تو ثري فور، لو بدي أعزف في الروند بتكون     (يقرأ الأستاذ طارق التمرين قراءة ايقاعية) ون تو ثري فور، (يقرأ الأستاذ طارق التمرين قراءة ايقاعية) تو ثري فور،  عم بخلي زمنها يمتد لأربع ضربات (يقرأ الأستاذ طارق التمرين قراءة ايقاعية) تو ثري فور، لو إجينا مثلاً على البيضاء (يقرأ الأستاذ طارق التمرين قراءة ايقاعية) ون تو ون تو ون تو، لو نيجي على السوداء بتكون بكل ضربة بترونوم  (يقرأ  الأستاذ طارق التمرين قراءة ايقاعية) ون ون ون (يعزف الأستاذ طارق التمرين)، شايفين بتيجي ضربتي مع   المترونوم، و هون المترونوم أهميته عشان يضبط الزمن.

نيجي نتطلع على الصفحه التانية اللي موجوده عندي و نتعرف على بعض المفاهيم، المدرج الموسيقي، المدرج     الموسيقي هو المدرج اللي إحنا بنقرأ عليه، بيتكون من خمس خطوط و من أربع فراغات، لو إجينا عملنا بإيدنا         اليمين بهالشكل، هي بتتكون من خمس خطوط أو أصابع، واحد تنين تلاته أربعه خمسه، و من أربع فراغات، واحد تنين تلاته أربعه، على كل سطر راح يكون في إسم نوته معينه و كل سطر بيعطيني دلاله على إسم نوته معينه.   نيجي نتطلع، في عندي أول إشي مكتوب مفتاح الصول، مفتاح الصول هو الرمز الموسيقي اللي تقرأ عليه آلة      العود، و في عنا مفاتيح تانيه للآلات التانيه، فهو كل ما كانت مثلاً الآله صوتها غليظ تقرأ على مفتاح بنسميه     مفتاح  الفا، لما تكون الآلات صوتها رفيع، تقرأ على مفتاح الصول، و الآلات اللي بين الصوت الغليظ جداً و         الصوت الرفيع جداً تقرأ على مفتاح إسمه مفتاح الدو، و هادا راح يتم شرح مفتاح الصول لاحقاً، نيجي نتطلع أول شيء عندي، دليل الزمن أو اللي بنسميه كي سيغنتشر، أربعه على أربعه، شو يعني أربعه على أربعه؟ أهم إشي إن نيجي نتطلع على البسط في الوقت الحالي شو يعني؟ أربعه معناها عندي... أربعه على أربعه معناها عندي، أربع ضربات اللي هو الباس بيحكيلي كم ضربه عندي، من فصيلة السوداء اللي هي نوار، فنيجي نتطلع... أو ما يعادلها، نيجي نتطلع، في عندي شايفين زي خط فاصل، عندي أربع خطوط فاصله هون، بين كل خط فاصل و خط فاصل بنسميها مازورا، فأربعه على أربعه بكل مازورا أو المازورا كمان بنسميها بار أو بنسميها حقل، بكل مازورا موجود أربع ضربات، فنيجي نتطلع من فصيلة النوار، أول مازورا فيها أربع ضربات، واحد تنين تلاته أربعه من فصيلة النوار.      الـ... بعدين، المازورا  التانيه نفس العمليه، في عندي واحد تنين تلاته أربع ضربات من فصيلة النوار، نيجي نتطلع   على المازورا رقم تلاته، بمازورا رقم تلاته، عندي تنتين ذات السن مربوطين مع بعض، و إحنا بنعرف إن كل وحده من ذات السن زمنها نص، فنص زائد نص واحد بتساوي نوار، و عندي كمان التانيه، نص زائد نص بتساوي واحد، فهاي صار عندي ضربتين، و في عندي بعدين نوار نوار، فمجموعهم أربعه نوار بالمازورا أو بالوار، آخر مازورا عندي، نيجي نتطلع في عندي وحده بلانش لحالها و هاي زمنها تنين، اللي يعني تنين نوار، و كما في عندي وحده تانيه بلانش، تنين نوار، مجموعهم أربعه، فمعناها عندي أربع نوار بكل مازورا، فلما يكون عندي أربعه على أربعه معناها لازم يكون في عندي  أربعه نوار بكل مازورا، تلاته على أربعه، تلات ضربات من فصيلة النوار، فالأربعه اللي فوق،   أو الرقم اللي فوق البسط بحكيلي عدد الضربات و الرقم اللي تحت بيدلني على نوعها، و لما يكون المقام أربعه، معناها هي فصيلة النوار، تنين على أربعه في ضربتين من فصيلة النوار. هاي المعلومات المهمه اللي لازم نتعرف عليها عشان نعرف نبلش نقرأ على المدرج الموسيقي و على الأزمنه ابتداءً من الدرس الجاي."