ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
6.1 - تمرين كروماتيك

يعرف الأستاذ ريبال مصطلحي دياتونيك و كروماتيك و يعطي تمرينات على الكروماتيك مع نصائح عديدة تحذر من الوقوع في بعض الأخطاء الشائعة المتعلقة بغناء الكروماتيك.


ريبال خضري:


"مرحبا، أنا ريبال من إعزف دوت كوم.


تمرينا اليوم صعب، بس بنفس الوقت حيكون في تحدّي كتير كبير، حيعملنا تطور كتير عظيم على صوتنا إذا عرفنا نعمله بشكل كتير نظيف، هادا التمرين بنسميه تمرين كروماتيك، بالموسيقى في مصطلحين، في مصطلح كروماتيك أو بمفهوم السلالم، السلالم أو السكيلز لما بقول دو راي مي فا صول لا سي دو، هاد بنسميه سكيل، في عنا مصطلحين أساسيين للسكيلات، يعني عنا مصطلح إسمه دياتونيك و في عنا مصطلح إسمه روماتيك، الدياتونيك لما أنا عم بنتقل على البيانو على النوتات البيض فقط اللي هي عم بتعطيني الأبعاد الطبيعيه أبعاد الميجر اللي هنن أبعاد سلم العجم بعد-بعد-نصف-بعد-بعد-بعد-نصف، أما الكروماتيك فهو عباره عن سلم فقط بين كل درجه و الدرجه اللي بعدها سيمي تون أو نصف بعد، ما بيصير يكون أكتر ولا أقل يعني بيكون (يعزف الأستاذ ريبال التمرين).


طبعاً كتير ممكن نسمع هادا الإشي ببعض أفلام الرعب، بعض أفلام الكوميديا، بالإشيا اللي فيها فانتازيا، هلأ إحنا بدنا ناخد تمرين على هادا النمط، كتير بدي أحاول إسمع البيانو و أنا عم بغني لحتى أحاول أقول هاي المسافات كتير قريبه من بعضها و متتاليه أقولها بشكل كتير نظيف، حنقول (يقرأ الأستاذ ريبال التمرين قراءة ايقاعية حإرجع أقوله أبطأ شوي، حقول (يقرأ الأستاذ ريبال التمرين قراءة ايقاعية)، كتير بي إنتبه إنو أنا بكون عم بقولها صح، بس أقولها كتير كتير نظيفه بنتقل للي بعدها، لإن إذا أنا في كتير ناس بتفكر حالها عم بتقولها صح إنو آه آه صح، أنا عم بقولها صح، بكون هو مثلاً عم بيقول نوتتين منهم متل بعض، عم بيطلع مثلاً دو مثلاً دو، دو شارب راي بيرجع بيعيد الراي بعدين بيروح عالمي بدل ما يقول راي راي شارب، تمام، فبدنا نحاول كتير نكون دقيقين إن إسمع النوته و أقولها بالضبط متل ما عم بسمعها (يقرأ الأستاذ ريبال التمرين قراءة ايقاعية)، برجع بنزول (يقرأ الأستاذ ريبال التمرين قراءة ايقاعية)، هلأ إنتوا (يعزف الأستاذ ريبال التمرين)، (يقرأ الأستاذ ريبال التمرين قراءة ايقاعية).


عم بقربها أكتر (يقرأ الأستاذ ريبال التمرين قراءة ايقاعية)، حاولت إنو أوصل لأوطى نوته بقدر عليها و إني إفتح تمي، إتذكروا إن الإبتسامه بهيك نوع من التمارين اللي بيكون واطي فيها كتير أو عالي كتير، بكتير بتقدمني كتير بتساعدني لحتى أغني بشكل أفضل."


فيديوهات دروس الدورة - تعلم الغناء العربي 4
1.1 مراجعة تعريف الأوكتاف Opened 04:34
1.2 مقام البيات Opened 03:46
2.1 تمرين على مقام البيات Opened 04:39
2.2 موشح بالذي أسكر Opened 04:51
3.1 تمرين أكثر تعقيداً على مقام البيات Opened 04:41
3.2 أغنية أنا بعشقك لميادة الحناوي Opened 04:06
3.3 أجناس مقام البيات Opened 04:26
4.1 أمثلة من التراث على البيات Opened 06:30
4.2 مقامات متفرعة من البيات Opened 05:32
5.1 طبيعة صوت كل شخص Opened 05:17
5.2 أنماط مختلفة في الغناء العربي Opened 05:12
6.1 تمرين كروماتيك Opened 05:12
6.2 الربع أم الثلاثة أرباع ؟ Opened 04:55
7.1 مقام الصبا Opened 05:09
7.2 أغنية يا هويدلك Opened 04:39
8.1 تمرينات أكثر تعقيداً على مقام الصبا Opened 06:36
8.2 أجناس مقام الصبا Opened 06:28
8.3 متابعة تطبيقات مقام الصبا Opened 05:20
9.1 أغنية الأماكن لمحمد عبده Opened 04:44
9.2 متابعة أغنية الأماكن لمحمد عبده Opened 04:55
10.1 لملمت ذكرى Opened 05:25
10.2 غناء كلمات القصيدة بالشكل السليم Opened 03:44
10.3 متابعة لملمت ذكرى Opened 04:31
11.1 تمييز المقامات المختلفة Opened 05:12
11.2 مقام السيكاه Opened 04:24
12.1 مقام الهزام Opened 04:40
12.2 الفرق بين الهزام و السيكاه Opened 05:21
13.1 موشح جادك الغيث على مقام الهزام Opened 04:11
13.2 متابعة موشح جادك الغيث على مقام الهزام Opened 03:39
13.3 تلخيص موشح جادك الغيث على مقام الهزام Opened 03:05
14.1 أغاني شعبية على مقام الهزام Opened 04:55
14.2 أغنية بيلبقلك شبك الألماس Opened 05:58
14.3 تفرعات مقام الهزام و السيكاه Opened 05:20
15.1 أخطاء شائعة عند المغنيين لا بد من تجنبها Opened 05:18
15.2 نصائح عامة Opened 03:44