يعطي الأستاذ ريبال تمرينات مهمة جداً على مقام الصبا مع شرح أبعاد المقام.
ريبال خضري:
"مرحبا، أنا ريبال من إعزف دوت كوم.
اليوم راح نتفرع أكتر بمقام الصبا، و راح نبتدي بتمرين على مقام الصبا، تمرين أذن تمرين صوت تمرين لحتى نفهم مقام الصبا بشكل أوسع، حنقول (يقرأ الأستاذ ريبال التمرين قراءة ايقاعية)، تمرين كتير بسيط مبني بس على جنس مقام الصبا الأساسي، الراي المي نص بي مول الفا الصول بي مول (يقرأ الأستاذ ريبال التمرين قراءة ايقاعية).
لاحظوا كيف بدي إفتح تمي قد ما بقدر لليمين و اليسار (يقرأ الأستاذ ريبال التمرين قراءة ايقاعية)، و لاحظوا كيف أنا عم بحاول إني إدمج الصوت بالصوت المستعار، بمقام الصبا كتير حلوا إن إحنا نقدر ندمج الصوت المستعار لإن الصوت المستعار هو أساساً صوت لما بنسمعه بيعبر عن الحزن، فكيف لما بيندمج بمقام الصبا (يقرأ الأستاذ ريبال التمرين قراءة ايقاعية)، كيف (يقرأ الأستاذ ريبال التمرين قراءة ايقاعية).
حاولت إني أنا أعمل هادا التمرين و أنا بنفس واحد أكتره، و أعمل العرب الصوتيه بمكانها، حجرب هلأ إنقل التمرين لطبقه أوطى للشباب اللي صوتهن باس أو باريتون أو للصبايا ياللي صوتهن ميتس أو ألتون (يقرأ الأستاذ ريبال التمرين قراءة ايقاعية). هيك بكون عطيت تمرين صبا وسعت فيه طريقة تفكيري لمقام الصبا و قدرت إفهمه بشكل أكبر، هلأ لو جربت إني أنا أفتش عن كيف شو الأبعاد ياللي لازم تكون عندي بين مقام الصبا، نحنا أولردي حكينا هادا الكلام بالحلقه الماضيه، بس راح إرجع عيد عليها سريعاً مشان تنحفظ أكتر لذاكرتنا، عنا بين الراي و المي نص بي مول عندي تلات أرباع بعد، عندي بين المي نص بي مول و الفا عندي تلات رباع بعد، عندي بين الفا و الصول بي مول لازم يكون عندي نص بعد، بين الصول بي مول و اللا أنا حيكون عندي بعد و نص، بعدين عندي بين اللا و السي عندي نصف بعد إن السي بي مول، سي بي مول دو بعد، و الدو راي عندي بعد، بهيك حاله أنا بكون صرت متعرف مقام الصبا، عملت تمرين عليه، تعرفت على كيف طريقة تقطيع هادا المقام.
هلأ راح نغني على أغنيه بسيطه من أغاني مقام الصبا."