ريبال خضري:
"تالت شغلة إن أنا أبلش احفظ هاي القصيدة بمقاطع جدا صغيرة جدا صغيرة يعني مثلا (يغني الاستاذ ريبال) بعيد هاي بس (يغني الاستاذ ريبال) تمام بيكون أول شي حفظت اللحن بعدين الجملة بعدين بيكفيها (يغني الاستاذ ريبال) تمام (يغني الاستاذ ريبال) تمام هلا صارو الجملتين محفوظين بربطهم ببعض (يغني الاستاذ ريبال) هيك صارت حاسسها أكتر بعدين (يغني الاستاذ ريبال) حتى أنا فيني أعمل شغلة انا أحس الميلودي عك ينزل اللحن حط إشارة مثلا سهم نازل عند روحت أحضنها طبعا أنا ما عم حاطط أي إشارة ع الورقة الورقة راح تلاقو عليها فقط إشارات التنفس بس أنا ما راح احط بس أنا عم حاول بس كيف ممكن تسهل عليك كيف ممكن تخلي هادا الموضوع أسهل عليك (يغني الاستاذ ريبال) أخدت هاي البارت (يغني الاستاذ ريبال) حفظتها (يغني الاستاذ ريبال)
بهيك أنا بخلص أول مقطع بها الطريقة وأنا عم باحفظ كتير بطريقة صغيرة لحتى أحفظها بطريقة فوسيفيسائية آخد الشقفة من هون مع هالمقطع من هون مع هالمقطع مع هالمقطع بعدين بوصلهن كلهم ببعض بلا وعي راح ألاقي إنه دماغي قدر يحفظ هادا المقطع ويصير محفوظ معه لفترة طويلة مش مجرد إن أنا حفظتها هلا بكرة جيت أنا نسيانها كلياتها تمام هاي بالنسبة لطريقة الحفظ هلا بعد ما حفظتها بدي ارتب وين أماكن النفس كل شخص بيختلف مكان نفسه عن مكان شخص آخر حسب قد إيه هو قادر ممكن المدخنين دائما تنفسهم بيكون ضعيف اللي بيلعبو رياضة دائما تنفسهم بيكون طويل اللي عندهم أمراض ممكن تكون أمراض النمط الربو بتأثر على النفس بتخليه ضعيف ف دايما كل شخص إله عوامل مختلفة بتأثر على إنه هل هو صوته مداه طويل أو عفوا تنفسه مداه طويل أو قصير أنا راح تلاقو بالورقة متل ما انكم شايفين حاطط فواصل تنفس بتتبع لوين لأشخاص يعني مداهم التنفسي قصير إلى حد ما قصير إلى متوسط لحتى يكون هادا العمل سهل للكل بآخر الموضوع.
أنا بدي إجي قول أنا وين بدي احط العرب هل أنا بينفع حط العرب بعد لملمت ذكر مثلا مباشرة (يغني الاستاذ ريبال) لأ مش صح أنا لسه هلا عم باستعلض الكلام وخاصة بقصيدة من هادا النمط الميلودي مش كتير عم بيتكرر يعني الميلودي تقريبا كل مقطع او كل بارت إله لحن مختلف ف أنا دائما لما بدي أعمل عربة من أي نمط لازم إن أنا أحاول أخليها تكون على لحن مكرر (يغني الاستاذ ريبال) هلا إذا عدتها مرة تانية (يغني الاستاذ ريبال) فيني أعمل أكتر من نمط عرب طبعا انا لما باغني بالحفلات باعمل نمط واحد بالجملة بهاي الجملة الصغيرة بس أنا عطيت هلا نمطين أو تلاتة ممكن كل شخص يختار (يغني الاستاذ ريبال) هيك أنا عطيت نمط جديد من العرب دائما فكر لما بدك تغني وين بدك تحط العرب وين بدك تكون عم تعطي الشخص المستمع مكان ما يمل منه يحس إنه هو عم يفهم صوتك عم يفهم إنتقالاتك وبنفس الوقت هو مش مالل من صوتك هادا كان كل شي بالنسبة لدرس اليوم الدرس القادم راح نبتدي بقام بآخر المقامات العربية بمقام السيكاه ياللي هو من أتقل ومن أجمل المقامات العربية بشوفكم الدرس الجاي باي"
