يبدأ الأستاذ ريبال هنا بالحديث عن مقامات متفرعة من البيات مثل المقام الشوري ويعطي أغنية أه يا حلو كمثال . ينتقل ريبال لإعطاء المقام الفرعي من البيات و هو مقام الحسيني.
ريبال خضري:
" أنا اليوم راح إحكي عن مقامين أساسيين كثيري الإستعمال بالموسيقى العربيه بالنسبه لتفرعات البيات، أول مقام اللي هو مقام الشوري أو اللي هو مقام القرشقار، مقام الشوري أنا عم بحكي على الجنس التحتاني اللي هو بيات (يعزف الأستاذ ريبال التمرين).
أما الجنس الأعلى حيكون عباره عن مقام جاز (يعزف الأستاذ ريبال التمرين)، يعني عندي (يقرأ الأستاذ ريبال التمرين قراءة ايقاعية)، هاي جنس البيات التاني (يقرأ الأستاذ ريبال التمرين قراءة ايقاعية)، تمام، هادا من المقامات اللي جداً طربيه اللي جدّاً بحس موسيقى عربيه صرفه و أنا عم بسمعه، من أكتر... طبعاً أكتر استعماله بيكون من الأعلى للأدنى، يعني أنا ممكن إني بالأحوال العاديه أكون عم بغني عادي (يعزف الأستاذ ريبال التمرين).
يعني حنسمع مثلاً هاي التقسيمه (يعزف الأستاذ ريبال التمرين)، أنا ما استعملت هون مقام الشوري غير باللحظات الأخيره من المقام، من أكتر الأغاني المشهوره على مقام الشوري هي أغنية آه يا حلو (يقرأ الأستاذ ريبال التمرين قراءة ايقاعية)، هلأ (يقرأ الأستاذ ريبال التمرين قراءة ايقاعية).
طلعت لفوق (يقرأ الأستاذ ريبال التمرين قراءة ايقاعية)، في كمان دور كتير معروف (يقرأ الأستاذ ريبال التمرين قراءة ايقاعية)، إلى آخره، لو جربنا نفتش راح نلاقي كمان أغاني أكتر من هيك، المقام التاني الفرعي اللي راح ناخده اليوم أو راح نحكي عنه هو مقام الحسيني، هلأ أول شغله بدنا نعرف ليش سمي مقام الحسيني، لإنه عادةً قام الحسيني يبنى على درجة اللا أو درجة الحسيني، يعني...
طبعاً نحنا حكينا سابقاً إن الدرجات بالموسيقى العربيه تأخذ تسميات تانيه، يعني أنا دو بالموسيقى العربيه هي إسمها رست، مش مقام الرست، لأ، هي إسمها كدرجه دو رست، بالنوته التانيه اللي هي الراي راح تكون إسمها توكا، المي مثلاً الطبيعيه اللي هي إسمها بوسليك، الفا الطبيعيه هي جهاركا، الصول هي النوا، اللا هي حسيني، فهو سمي مقام الحسيني نظراً لإن هو يبنى على درجة الحسيني، و لكن هل هو بيات طبيعي؟ لأ، مقام الحسيني هو عباره عن بيات من اللا، أو خلينا نقول بيات من إذا أنا بدي عمله تصوير عالراي لحتى ما يضيع... ما يضيع الطالب معي، حعتبره هلأ مبدئياً من الراي بعدين آخر شي بنرجع بنفذه من اللا، حقول (يقرأ الأستاذ ريبال التمرين قراءة ايقاعية)، صارت عندي سي نص بي مول (يقرأ الأستاذ ريبال التمرين قراءة ايقاعية).
ممكن بعض النظريات تقول إني أنا برجع لسي نص بي مول (يقرأ الأستاذ ريبال التمرين قراءة ايقاعية)، و بعضها بتقول إني أنا برجع لسي بي مول (يقرأ الأستاذ ريبال التمرين قراءة ايقاعية)، يعني أنا عم بحكي عن جنس أدنى مكانه اللي هو جنس البيات الراي، و الجنس الأعلى صار عندي جنس رست من الصول، و هادا المقام كمان كتير الإستعمال، غالباً بنلاقي الأغاني بتروح باتجاهه ضمن الأغنيه مش ببدايتها، أكتر الأغاني بنسمعها بتعرج عليه ضمن الأغنيه كنوع من التنويع على المقام، نرجع نقوله على اللا (يقرأ الأستاذ ريبال التمرين قراءة ايقاعية).
أنا هون بدي أخلي الفا نص دييز مش فا نص بي مول، لحتى إقدر أحافظ عالأبعاد (يقرأ الأستاذ ريبال التمرين قراءة ايقاعية)، متل ما قلت إن الدرجه السادسه ممكن أخليها نص بي مول ممكن أخليها عاديه، هادا كان كل شي بالنسبه لمقام البيات، أعتقد حكينا أكتر المواضيع المهمه عن مقام البيات، بيصفى عليكن إنتوا إن إنتوا تفتشوا شو في عنا أغاني عربي على مقام البيات، حتلاقوا كتير أغاني للسيده أم كلثوم، لمحمد عبد الوهاب، للسيده فيروز، لكرم محمود، حتى للمطربين اللي معروفين بإنهم بيغنوا طرب، متل ما عم بنحكي عن أصاله عن كاظم عن صابر عن شيرين، عم بنحكي عن أنغام، حتلاقوا كتير أغاني مبنيه على مقام البيات.
شكراً إلكن كتير، باي."