الدروس
02:43:79 ساعة
35 الدروس
الغناء
مقام السيكاه
ادخل بريدك الإلكتروني لتبدأ مجاناً الآن
بالضغط على الزر اعلاه اوافق على شروط واحكام موقع إعزف
نص الحوار

يبرز الأستاذ ريبال التشابهات و الفروقات بين مقامي الصبا و البيات و يعطي التمرينات اللازمة للتعود على غناء المقامين. ينتقل الأستاذ ريبال للتعريف بمقام السيكاه و الهزام.


ريبال خضري:


"كمان في عندي مقامين من المقامات اللي أخدناهن بيشبهوا بعض اللي هنن البيات و الصبا، البيات (يقرأ الأستاذ ريبال التمرين قراءة ايقاعية)، أما الصبا فبدي الفا... الصول اللي كانت عاديه بدها تصير صول بي مول (يقرأ الأستاذ ريبال التمرين قراءة ايقاعية)، نزلت آخر علامه بالتيتراكورد ليصير عندي... بآخر علامه بالجنس لحتى صار صبا فصار الفرق كتير بسيط بيناتهن (يعزف الأستاذ ريبال التمرين).


نجرب ناخد كمان تمرين عليهن (يقرأ الأستاذ ريبال التمرين قراءة ايقاعية)، هادا الصبا، هلأ البيات (يقرأ الأستاذ ريبال التمرين قراءة ايقاعية)، ناخدها من هون (يقرأ الأستاذ ريبال التمرين قراءة ايقاعية)، على البيات (يقرأ الأستاذ ريبال التمرين قراءة ايقاعية)، العلامه الرابعه هي اللي عم بتتغير، ناخد من هون (يقرأ الأستاذ ريبال التمرين قراءة ايقاعية)، بيات (يقرأ الأستاذ ريبال التمرين قراءة ايقاعية)، صبا أعلى (يقرأ الأستاذ ريبال التمرين قراءة ايقاعية)، بيات (يقرأ الأستاذ ريبال التمرين قراءة ايقاعية)، شايفين العلامه الرابعه عم بشدها لفوق أكتر، آخر مثال (يقرأ الأستاذ ريبال التمرين قراءة ايقاعية)، بيات (يقرأ الأستاذ ريبال التمرين قراءة ايقاعية).


بهاي الطريقه بقدر أرسخ هادا المقام بإدني بشكل أكبر، اليوم إضافةً لهاي المقامات اللي أخدناها و اللي اتعرفنا عليها بدنا نحكي كمان عن مقام أنا شخصياً من أكتر المقامات اللي أنا بعشقها من الموسيقى العربيه، هو مقام السيكاه و و تفرعه للهزام، هلأ مقام السيكاه لو أنا بدي أشوفه نظرياً راح ألاقيه بطريقه كتير سهله، ليه؟ لإن السيكاه هو مقام يبنى على درجه التالته من الرست، يعني أنا إذا بتذكر مقام الرست كيف كان عندي من الكورس الأول، أنا عم بحكي إن كان عندي دو راي مي نص بي مول فا صول لا سي نص بي مول دو، هلأ مقام السيكاه يبنى نفس بناء الرست و لكن أنا كإني عم ببلش كإني عم بغني رست بس عم بلشه من المي مش عم بنقل الأبعاد، يعني مش عم بعمل تصوير كامل، عم برفع عم ببلش من المي فعم بخلي من المي للفا بعد، من الفا للصول بعد، لأ أنا عم بعمل إن من الدو للدو عم بخلي عم ببلش نفسه يعني (يقرأ الأستاذ ريبال التمرين قراءة ايقاعية)، عم بكفي السلم من المي للمي (يقرأ الأستاذ ريبال التمرين قراءة ايقاعية).


ما غيرت الأبعاد، لأ بس كإني كفيت الرست للدو بعدين طلعت للمي كمان و رجعت استقريب على المي نص بي مول، هلأ إذا شفنا أبعاد مقام السيكاه بهالطريقه عندي راح يكون عندي المي نص بي مول، حيكون عندي فا صول لا سي نص بي مول دو راي مي نص بي مول، هلأ لو أنا بدي أقسمها كأبعاد بدي إحسبها راح ألاقي بين المي نص بي مول و الفا تلات أرباع بعد، بين الفا و الصول بعد، بين الصول و اللا عندي بعد، بين اللا و السي نص بي مول أنا عندي تلات أرباع بعد، سي نص بي مول دو أنا عندي تلات أرباع بعد، من الدو للراي عندي بعد، و من الراي للمي نص بي مول أنا عندي تلات أرباع بعد، لاحظوا إن هادا المقام هو أول مقام أو هو المقام الوحيد عملياً بالموسيقى العربيه ياللي بيبتدي بالنصف بي مول، يعني حتى وضع هارموني عليه بالبيانو بيكون شوي صعب لإن الأساس تبعه بداية المقام هي بدايه غير موجوده أساساً على البيانو أو على أي آله غربيه، يعني أنا عم بشتغلى على مقام قمة التشريق و كتير راح أحس فيه بمقام عربي و أنا عم بسمعه، مع الأسف مقام السيكاه هو من المقاملت اللي كتير صعب الغناء عليه، مشان هيك المقام الأكثر تداولاً و اللي حنحكي عنه هو مقام الهزام، هو مشتقه الأساسي.


هلأ مقام السيكاه نحنا حكينا هلأ عن أبعاده، الدرس القادم نحنا راح نتعرف ليش أنا عندي مقام السيكاه ما راح أغني كتير عليه، و شو المقام البديل، و كيف أبعاد هادا المقام البديل و كيف أجناسه.


بشوفكن الدرس الجاي، باي."

عن المدرب
ريبال خضري
ريبال خضري
فنان سوري .. - له العديد من الأغاني الخاصة مثل " بلدي عم يوجعني – يا بيتي شو اشتقتلك - شوية حكي – الله معك – حبيبي انا " - له ثلاثة ألبومات وهي 1- " قصائد سياسية " من انتاج الصندوق العربي للثقافة والفنون التابع لجامعة الدول العربية وهو عمل من كلمات الشاعر الكبير احمد مطر والحان وتوزيع باسل رجوب .. 2- " توشيحات " : الخاص بفرقته فرقة " التوشيح الحديث " التي طرح فيها ريبال موشحات بأسلوبه الخاص و سيقوم بتقديم البومات دورية لها . 3- " شوية حكي " قدمه ريبال مع عام 2010 من انتاج شركة المورد الثقافي - ريبال خريج المعهد العالي للموسيقا في سوريا – دمشق قسم الغناء الشرقي يلعب ألتي البيانو والعود ... - حاصل على ماستر كلاس من جامعة الكسليك عام 2010 - حاصل على 1- وعلى الجائزة الأولى كأفضل صوت عربي ضمن ملتقى الاصوات الجميلة الذي تم تنظيمه من قبل المجمع العربي للموسيقى في كلية الكسليك – لبنان ونال على اثرها ماستر كلاس من الجامعة . 2- الجائزة الثانية كأفضل صوت عربي ارتجالي في مهرجان الموسيقى العربية في القاهرة السابع عشر 2008 - ريبال حاليا مدرس الغناء في المعهد الوطني للموسيقا في عمان ومدرس مادة الغناء العربي في الكونسرفاتوار الأردني ومدرب جوقة عمون للغناء الكورالي الحديث . - قدم حفلات كمغني منفرد ذائع الصيت مع فرقته الخاصة ومع اهم الفرق والاوركسترات العربية والعالمية من مثل " الأوركسترا السمفونية السورية – أوركسترا عمان الفلهوارموني – أوركسترا عمان سمفونيتا – كورال أوزنابروغ الألماني – فرقة طرب .. " وذلك في اثر من عشرين مدينة عربية وعالمية في " المانيا – ايطاليا – فرنسا – الصين – أذربيجان – تركيا – الامارات – مصر – السودان – تونس وغيرها ... "

شارك اعزف. ساعد غيرك يبدأ الرحلة!

أهدِ تجربة اعزف لشخص مميز!