الفرق بين مقام السيكاه و مقام الهزام و تطبيقات.
ريبال خضري:
"(يقرأ الأستاذ ريبال التمرين قراءة ايقاعية)، مرحبا، أنا ريبال من إعزف دوت كوم.
اليوم بدنا نحكي ليش نحنا راح نتحدث عن مقام الهزام مش مقام السيكاه، حنشوف قدامنا إن مقام السيكاه متل ما حكينا المره الماضيه، هو عباره عن مقام رست بس أنا عم ببتديه من الدرجه التالته، مش تصوير يعني مش نقل أبعاد، لأ بس أنا متل ما هوه عم بكفيه، يعني أنا بلشت رست (يقرأ الأستاذ ريبال التمرين قراءة ايقاعية)، أنا راح إعتبر حالي قول دو راي بقلبي و كفي من المي (يقرأ الأستاذ ريبال التمرين قراءة ايقاعية)، و بكفي (يقرأ الأستاذ ريبال التمرين قراءة ايقاعية).
حقيقةً مقام الرست من المقامات الصعبه الغناء علـ... عفواً مقام السيكاه من المقامات الصعب الغناء عليه لإن طريقة أبعاده فيها كتير ديسلانس فيها كتير غرابه إن أنا عم ببتدي من نصف بي مول، فمشان هيك قليل ما نلاقي أغنيه أو موشح مبني على مقام السيكاه، فأكتر الناس و حتى في كتير ناس بيقولوا إن بيغنوا عالهزام و بيسموه سيكاه، بس هو حقيقةً مقام الهزام هو مشتق من السيكاه، أكثر شيوعاً و أكثر تداولاً بكتير من مقام السيكاه، مشان هيك نحنا راح نتعامل مع الهزام كإن نحنا عم بنتعامل مع السيكاه، شو الفرق بين مقام السيكاه و مقام الهزام؟ طبعاً نحنا حكينا إن السيكاه أنا بشتقه من ارست، مش إشتقاق كامل و إنما بس لحتى إفهم شو المقصود بالسيكاه، كيف بيبتدي. هلأ أنا الهزام بدي آخده كمان من السيكاه لحتى أوصل لمقام إقدر أغني عليه أكون مرتاح أكتر."
