بعد الانتهاء من شرح أبعاد مقام البيات , يعطي الأستاذ ريبال في هذا الدرس تمرينات تناسب الطبقات المختلفة للأشخاص المختلفة مع النصائح اللازمة . يعطي الأستاذ ريبال تطبيقات على مقام البيات مثل أغنية بعيد عنك لأم كلثوم و جانا الهوى لعبد الحليم حافظ.
ريبال خضري:
"مرحبا، أنا ريبال من إعزف دوت كوم.
الدرس السابق حكينا عن مقام البيات، و تعرفنا على كيف الأبعاد بمقام البيات، بهادا الدرس نحنا راح نبلش ناخد تمارين على مقام البيات (يعزف الأستاذ ريبال التمرين).
التمرين اللي أنا بدي آخده اليوم هو تمرين حبتدي بالأول شوي بطيء بعدن منها راح أبتدي أسرعه شوي شوي، طبعاً بدي أركز بدي أذكر بشغله إن أنا التمارين اللي بالمقامات العربيه ما بقدر أعزفها بشكل عام على العود أو بتكون كتير صعبة العزف على كل النوتات، فأنا بدي أحاول أقوي إدني و آخد بس أول نوته و إقدر إمشي لوحدي (يعزف الأستاذ ريبال التمرين)، حقولها مره تمرين (يقرأ الأستاذ ريبال التمرين قراءة ايقاعية)، مره تانيه (يقرأ الأستاذ ريبال التمرين قراءة ايقاعية).
ما إنسى فتح تمي و ما إنسى أحاول أحس النوت أكتر، بدي لما أنا بدي أغني مقام شرقي بدي أحاول أحس تماسك النوتات أكتر تماسك اللحن بشكل أكبر بحنجرتي مش (يقرأ الأستاذ ريبال التمرين قراءة ايقاعية)، لأ (يقرأ الأستاذ ريبال التمرين قراءة ايقاعية)، كتير ضروري أنتبه إني أنا لما عم بطلع عالعالي إضرب بمعدتي مش بصوتي، كمان مره (يقرأ الأستاذ ريبال التمرين قراءة ايقاعية)، بالأعلى أكتر راح أقول (يقرأ الأستاذ ريبال التمرين قراءة ايقاعية).
برجع بأكد إن المده الأخيره مريحه للصوت أكتر، هادا التمرين ممكن يكون سهل لصبيه صوتها سوبرانو أو لشب صوته تانور، أما بالنسبه للشباب اللي صوتهم باس بارتون للصبايا اللي صوتهن ألتو أو حتى ميدسو راح يكون عنا التمرين من هادا... من طبقه عاليه (يعزف الأستاذ ريبال التمرين)، حأبتدي التمرين من بيات اللا (يقرأ الأستاذ ريبال التمرين قراءة ايقاعية)، حسرع (يقرأ الأستاذ ريبال التمرين قراءة ايقاعية)، بهاي الطريقه راح أكون قويت مقام البيات بصوتي و قويت فكرتي عن مقام البيات، من أكتر الأغاني الرائجه على قام البيات هي أغاني... في أغاني للسيده أم كلثوم، نحنا عم بنحكي عن أغنية بعيد عنك (يقرأ الأستاذ ريبال التمرين قراءة ايقاعية)، نحنا عم بنحكي على بداية الأغنيه طبعاً، من الأغاني الشائعه عم بنحكي على (يقرأ الأستاذ ريبال التمرين قراءة ايقاعية)، لعبد الحليم، نحنا عم بنحكي على (يقرأ الأستاذ ريبال التمرين قراءة ايقاعية) حتى بالأغاني الحديثه راح نلاقي إن بعض... بعض المغنيين لاسيما المغنيين اللي صوتهم بيوصل بالصوت الطربي حريصين بأكتر أغانيهم إن هم ينزلوا ربما غنيه بالألبوم تكون من نمط البيات لإن البيات نحنا عم بنحكي على مقام طربي، سهل الإستماع، حزين، قريب أكتر للجمهور العربي."
