ينتقل ريبال ليعطي أغنية الأماكن من طبقة أخرى و يتابع بإعطاء تفرعات من مقام الصبا.
ريبال خضري:
"حإرجع أقول المقطع الأول مره تانيه من بيات... من صبا الصول للي حابين إن هنن... عفواً من صبا الراي للي هنن حابين إن هنن يغنوها بطبقه أوطى (يقرأ الأستاذ ريبال التمرين قراءة ايقاعية).
بدي إنتبه إن مشتاقه لك آخر شي أنا بدي أمدها و إختمها على الوزن (يقرأ الأستاذ ريبال التمرين قراءة ايقاعية)، لازم تكون على بداية البار، و كمان بدي أنبهكن لمعلومه مهمه، إن أنا لما عم بكون عم بغني ممكن إني أنا أعرب فممكن كتير إن بعض المناطق أنا أختلف عن النوت الأساسي، يعني أنا لما... لما النوته بتنكتب دائماً بتنكتب على أساس اللحن الأساسي، مش على أساس المطرب وين عرب و وين عمل لإن ممكن تكون في عرب كتير صعبه للعازف أو ممكن تكون يعني المطلوب إن المغني يكون عم بيغني لحاله و الموسيقى اتضل بنفس المكان يعني يكون بعيد شوي عن الموسيقى، فكتير ممكن تلاحظوا إن أثناء هادا الكورس إن هون مرقت معنا جمل أنا مثلاً عربت فيها اختلفت عن النوتات، فهدا الإشي كتير طبيعي و كتير تقليدي بالموسيقى العربيه إن يسير هادا الإشي، بيصفى آخر شي إني أعطيكن فكره بسيطه عن... عن تفرعات مقام الصبا، للحقيقه مقام الصبا هو من المقامات ياللي قليلة التفرعات فيعني بس بدي أنبهكم إن أنا أي تعديل متل أي... أي مقام من المقامات، أي تعديل على المقام من طبقته لطبقه تانيه ممكن كتير إني أنا أسمي مقام جديد تابع لمقام الصبا، أنا ممكن إني أعتبر إني أنا بدلت الجنس الأعلى لجنس جديد اللي هو طبعاً طريقة أبعاده هي نصف (يعزف الأستاذ ريبال التمرين).
بعدين بعد، بعدين نصف بعد (يعزف الأستاذ ريبال التمرين)، لسي بي مول، دو راي بي مول أنا كإني عم بتعامل مع مقام مختلف كلياً سميناه صبا غريب، حعمل شوية إرتجال على مقام الصبا إختتم فيها كل دروسنا اللي أخدناها عن مقام الصبا (يقرأ الأستاذ ريبال التمرين قراءة ايقاعية).
هادا كان كل شي بالنسبه لمقام الصبا، بتمنى نكون قدرنا نقدم أكبر إفاده و أكبر معلومات عن مقام الصبا بشكل عام، الدرس القادم هو من الدروس اللي نحنا راح نتمرن فيها على كمان أغنيه، إندور كيف بدنا من الصفر نبتدئ الحفظ بهاي الأغنيه، و كيف ممكن حتى أنا قبل ما أفوت على المسرح كيف ممكن أتذكر هاي الأغنيه من أول و جديد.
بشوفكن الدرس الجاي، باي."