يدخل ريبال هنا في تفاصيل مقام البيات و يتكلم عن الجنس الأدنى و الجنس الأعلى للمقام.
ريبال خضري:
"لو جربت إني أنا أطلع عندي عالنوته لحتى أشوف كيف الشكل الطبيعي لمقام البيات كأجناس راح نلاقي إن أنا عندي الراي الطبيعي مع المي نص بي مول مع الفا مع الصول عم بيشكلولي الجنس الأدنى اللي هو جنس البيات، أما الجنس الأعلى فهو كمان جنس نهاوند من الصول، كل مجموعة الكرد و البيات و الحجاز و راح يكون عنا لاحقاً كمان الصبا، راح نكتشف إن الجنس الأعلى منهن هو عباره عم بيكون عن جنس نهاوند، طبعاً الصبا إستثناءً راح نحكي عنه الدرس القادم أو بالدروس القادمه كيف بتكون جنسه الأعلى.إذاً أنا بمقام جنسه الأدنى بيات، الجنس الأساسي طبعاً هو بيات، اللي هو تلات أرباع - تلات أرباع - بعد، و الجنس الأعلى فيه هو جنس نهاوند، عم بحكي عن بعد - بعد - نصف بعد، و الجنسين متصلين ببعضهن ما في بيناتهن أي مسافه فاصله، بنهاية الدرس أنا راح إرجع إعزف أنا بعشقك من طبقه أوطى، طبعاً بدنا نلاحظ إن أنا بعشقك أنا بالأصل أخدتها أعلى لإن يعني أنا بالنسبه لـ... بالنسبه إلي بشوف إن التانر و السوبرانو لازم يغنوها على أو طبعاً إذا سوبرانو غربي طبعاً بنحكي مش سوبرانو عربي، التانر بشكل عام الشب لازم يغنيها على بيات صول، أما الباس الألتو يفضل إن هنن يغنوها على بيات الراي مش بيات اللي... يعني مش بيات اللا الواطيه الأوطى، اللي تحت الراي راي دو سي لا، لأ، بيات الراي الطبيعي لإن هي ما فيها هادا الإرتفاعات العاليه بالصوت، حعزفها هلأ هالمره بدون ما أغني لحتى يكون كل حدا عنده فرصه إن هو يغنيها مع الموسيقى (يعزف الأستاذ ريبال التمرين).
ملاحظه صغيره عالنوت لو انتبهتوا راح... راح بمنطقة (يقرأ الأستاذ ريبال التمرين قراءة ايقاعية)، عند... عند جملة الماضي لك (يقرأ الأستاذ ريبال التمرين قراءة ايقاعية).
أنا هون نقلت التايم سيغنتشر، التايم سيغنتشر كان عندي أوفر فور (يقرأ الأستاذ ريبال التمرين قراءة ايقاعية)، كنا بأربع ضربات، بهاي المنطقه صرنا تلاته (يقرأ الأستاذ ريبال التمرين قراءة ايقاعية)، ون تو ثري يعني (يقرأ الأستاذ ريبال التمرين قراءة ايقاعية)، بس بهاي المنطقه الملحن حب إن هو ينقلنا لثلاثي بعدين يرجعنا على التايم سيغنتشر الأساسي أربعه على أربعه.
بشوفكن الدرس الجاي، باي."
