يتابع الأستاذ ريبال و يعطي تمرينات على مقام الصبا مع التركيز على الحس الإيقاعي.
ريبال خضري:
"مرحبا، أنا ريبال من إعزف دوت كوم.
اليوم راح نكمل اللي أخدناه بالدرس الماضي عن مقام الصبا، راح ناخد تمرين أكثر تعقيداً، راح نحاول نمرن من خلاله أذنا، راح نحاول نمرن من خلاله حنجرتنا و نفهم أكتر مقام الصبا كابعاد و كتركيب أجناس، التمرين اللي اليوم بدنا ناخده شوي صعب أكتر (يعزف الأستاذ ريبال التمرين)، التمرين هاد هو مو بس فيه صعوبه شوي لحنيه و إنما فيه صعوبه إيقاعيه (يقرأ الأستاذ ريبال التمرين قراءة ايقاعية).
هلأ أنا أول شغله بس أعطيت اللحن، هلأ بدي أبلش أحس اللحن أكتر، بدي أحاول كل ما بدي أقول كلمة با بدي إفتح تمي، بدي أحاول إني أعرب شوي بعد ما أتقن التمرين أكتر، هلأ نرجع نعيد مره كمان (يقرأ الأستاذ ريبال التمرين قراءة ايقاعية)، تمام، هلأ بنقدر نطلع متل كل مره نطلع كروماتيك (يقرأ الأستاذ ريبال التمرين قراءة ايقاعية)، هلأ حجرب أعرب أكتر (يقرأ الأستاذ ريبال التمرين قراءة ايقاعية).
بحاول أحركها و لو شوي صغيره (يقرأ الأستاذ ريبال التمرين قراءة ايقاعية)، هاي بالنسبه للمغنيين اللي صوتهن سوبرانو و تينور، حنرجع نجرب اننزل التمرين مره تانيه و نقوله لمغنيين صوت الباس و مغنيين صوت الألتو (يقرأ الأستاذ ريبال التمرين قراءة ايقاعية)، حسرعه شوي (يقرأ الأستاذ ريبال التمرين قراءة ايقاعية)، بدي إنتبه كتير و أنا عم بقوله لهادا التمرين إنو ما أخربط بين أروح باتجاه البيات و أنا عم بقول التمرين، يعني (يقرأ الأستاذ ريبال التمرين قراءة ايقاعية)، يعني ممكن البعض يخربط يقول (يقرأ الأستاذ ريبال التمرين قراءة ايقاعية).
يحول الفا دييز بالتمرين يحولها لفا عاديه و بالتالي بيرجع التمرين لمقام البيات و بيكون ما استفدنا من تمرينا على مقام الصبا، يعني أنا حيكون عندي التمرين فيه تغيير بالتايم سيغنتشر حيكون عندي (يقرأ الأستاذ ريبال التمرين قراءة ايقاعية)، هادا كلياته مقياس رباعي أو فيني إذا بدي أعتبرهن كويفرز أعتبرهن ثنائي (يقرأ الأستاذ ريبال التمرين قراءة ايقاعية).
بعدين يصير عندي تلاته على أربعه سريع (يقرأ الأستاذ ريبال التمرين قراءة ايقاعية)، أحاول هاد الإشي إستوعبه و أنا عم بتمرن هادا التمرين."