تعلم غناء موشح بالذي أسكر كتطبيق على مقم البيات.

ريبال خضري:

"هلأ راح نيجي ناخد موشح بسيط كتير ن الوشحات المهمه على مقام البيات، حناخد مقطع منه، طبعاً الموشح غنته السيده فيروز و غناه الإستاذ صباح فخري، الموشح اللي هو موشح بالذي أسكر، بدي أنتبه إن ببداية الموشح أنا عندي سكته بعدن منها مباشرةً بدي أفوت (يعزف الأستاذ ريبال التمرين)، ون تو ثري ون تو (يقرأ الأستاذ ريبال التمرين قراءة ايقاعية).

ادا المقطع اللي بدي اياه أنا كتير بسيط، طبعاً أنا لما عم بغني هلأ حاولت أكون متقيد بالنوت، هلأ أنا بعد ما أحفظ الموشح بيصير أسهل علي إني أنا أغنيه بإحساسي، بإني أنا ممكن مكان موجود فيه سكته إني أنا ألغيها و أغني محل السكته بمد الحرف اللي قبلها أو... أو مثلاً بعض... بعض الجمل أعمل عرب عليها، مثلاً حعطي مثال كيف أنا ممكن غنيه بطريقه حسيه أكتر (يقرأ الأستاذ ريبال التمرين قراءة ايقاعية).

لاحظتوا أنا ممكن استغنيت عن الإس و فتت أو خليت الإس و فتت بالنوته التانيه بدل نوتة اللا فتت بالراي، راي بعدين لا، ممكن (يقرأ الأستاذ ريبال التمرين قراءة ايقاعية)، إنتبهتوا في أماكن معينه و أنا عم بغني حبيت إن أنا أضيف عليها عرب حبيت إني أخلط بين الصوت الطبيعي و المستعار متل ما (يقرأ الأستاذ ريبال التمرين قراءة ايقاعية)، لاحظنا هاي المنطقه كتير مهم إني أنا أحاول أنوع باللحن ما أقوله متل ما هو، هلأ هاي بالنسبه لطبقة شخص تانر أو سوبرانو، لو بده يغنيها شخص ألتو، صبيه ألتو أو شب باس راح يقولها من هون (يقرأ الأستاذ ريبال التمرين قراءة ايقاعية).

الحروف بالموشحات دائماً بشده، لما تكون تحت بدي أحاول إني أفتح تمي و أقرب... و أقرب الغنى و النوتات أقربها لقدام أكتر، هادا كان كل شي بالنسبه لدرس اليوم، حكينا عن مقام البيات، حكينا عن موشح من الموشحات السهله و اللي ممكن إني أنا أحفظها بسهوله بس بالنهايه بتحتاج بطريقه خاصه بالأداء، موشح بالذي أسكر.

بشوفكن الدرس الجاي، باي."