يعطي الأستاذ ريبال الخضري أغنية الأماكن كلها للفنان محمد عبده كتطبيق على مقام الصبا.
ريبال خضري:
"مرحبا، أنا ريبال من إعزف دوت كوم.
اليوم الأغنيه اللي راح نتناولها عن مقام الصبا هي أغنيه كتير معروفه كتير مشهوره، أخدت صدى كتير كبير بالعالم العربي (يعزف الأستاذ ريبال التمرين)، أنا راح إعزفها و راح أغنيها عن مقام صبا الصول، الأغنيه هي أغنية الأماكن لمحمد عبده (يعزف الأستاذ ريبال التمرين).
هلأ بداية الأغنيه راح تكون فالت يعني ما راح أكون عم بقسم، ما راح أكون عم بمشي على إيقاع (يقرأ الأستاذ ريبال التمرين قراءة ايقاعية)، هلأ هاي الأغنيه من الإشيا الكتير مهم فيها إن فيها كتير تنوع مقامي على المقامات الأربعه ياللي أخدناهن لحديت الآن، بدي إنتبه مثلاً أول ما فتت أنا كنت عم بغني صبا الصول (يقرأ الأستاذ ريبال التمرين قراءة ايقاعية)، بضل مكفي (يقرأ الأستاذ ريبال التمرين قراءة ايقاعية).
هلأ (يعزف الأستاذ ريبال التمرين)، هلأ لما بقول الأماكن، اللازمه الموسيقيه اللي عم بتشتغل معي راح تعطيني لازمة بيات مش لازمة صبا يعني لو بدي يعني (يقرأ الأستاذ ريبال التمرين قراءة ايقاعية)، ما أعطاني (يقرأ الأستاذ ريبال التمرين قراءة ايقاعية)، لأ أعطاني بيات (يقرأ الأستاذ ريبال التمرين قراءة ايقاعية).
يعني إذا كنا بيات الراي، أنا عم بحكي راي مي نص بي مول فا، الصول أعطاني إياها طبيعيه ما أعطاني صول... صول بي مول (يقرأ الأستاذ ريبال التمرين قراءة ايقاعية)، تمام، رجع أعطاني نفس الإشي، ممكن حتى أعتبرها هاي اللازمه هي لازمة رست لإن أعطاني رست من الفا نزل علامه وحده و أعطاني نفس اللازمه لفوق، بعدين آخر شي لما رجع (يقرأ الأستاذ ريبال التمرين قراءة ايقاعية)، رجع عطاني صبا الصول من أول و جديد، هلأ لو رحنا على المقطع التاني (يعزف الأستاذ ريبال التمرين).
لو رحنا على المقطع التالي، فهو عم بيسمعني نهاوند الدو يعني عم بينزل على النهاوند لتحت (يقرأ الأستاذ ريبال التمرين قراءة ايقاعية)، شايفين كيف رجع مباشرةً عصبا الصول (يقرأ الأستاذ ريبال التمرين قراءة ايقاعية)، رجع عطاني نفس الصبا من فوق، بعدين بيضل مكفي على الصبا، المقطع اللي بعده مثلاً (يقرأ الأستاذ ريبال التمرين قراءة ايقاعية) رجع عطاني بيات الصول ليختم الأغنيه ببيات الصول، بعدين آخر شي طبعاً بيرجع للصبا كختام أي أغنيه، هاي بالنسبه لأغنية الأماكن أنا أخدت فكره عامه عنها كيف نقلاتها المقاميه."