تطبيق على مقام الصبا : أغنية يا هويدلك من التراث السوري.
ريبال خضري:
"حنقول أغنيه من التراث السوري، أغنيه إسمها يا هويدالاك.
طبعاً بدنا ننتبه إن بالنوت راح يكون عنا متل ما حكينا المره الماضيه فكرة الإعاده راح تكون موجوده عنا بالنوت فراح نحاول ننتبه إلها (يقرأ الأستاذ ريبال التمرين قراءة ايقاعية).
من الأغاني الكتير بسيطه، هلأ لو لاحظتوا إني أنا هاي المره ابتديت بإني أنا أغنيها للأشخاص ياللي صوتهن طبقته واطيه مش للأشخاص... مش للأشخاص ياللي صوتهن طبقتن عاليه عم بنحكي عن التينور و السوبرانو، حإرجع أغني هادا الأغنيه مره تانيه للأشخاص اللي صوتهن عالي، بس إنتبهوا لشغله كتير بسيطه، أنا عم بحاول إني أنا أعرب بشكل بسيط بس هاي الأغنيه من الأغاني ياللي اللحن فيها تكرار، و بنفس الوقت الصبا من المقامات التقيله ياللي ما كتير بيعطيني فسحه إني أنا أحاول إني أنا أعمل عرب أو إني أنا أألف إشيا تعكس جمالية صوتي لإن هو أولردي مقام حزين، مقام كتير تقيل موسيقياً مش كتير سهل إني أنا أجرب إني أنا إشتغل عليه شي (يقرأ الأستاذ ريبال التمرين قراءة ايقاعية).
أنا حاولت إني أنا أدندنها أكتر، إن نحنا عم بنغني نجرب نحس الكلام أكتر لا سيما المقامات الحزينه من هادا النمط، نحاول نحس بفكرة الكلام ياللي عم بيتغنى أكتر، بالدرس القادم نحنا راح نتناقش بالأجناس الموجوده بمقام الصبا، بنفس الوقت كمان راح نتعرف على أغاني أتقل على مقام الصبا، راح نشوف أغنيه للسيده أم كلثوم راح نشوف هوا صحيح الهوا غلاب، شكراً كتير إلكن، بشوفكن الدرس الجاي، باي."