يتابع الأستاذ ريبال بتطبيقات على المقامات و يتحدث عن تفرعات مقام السيكاه و الهزام.
ريبال خضري:
"مرحبا، أنا ريبال من إعزف دوت كوم.
آخر درس اليوم راح نتناول فيه مقام السيكاه و مقام الهزام، الدرس اليوم كتير بسيط، نحنا راح ناخد أول شي أغنيه من الأغاني الشعبيه اللي مشغوله على مقام الهزام، راح نجرب نغنيها مره و بعدين راح إعزفها مرتين، حإترك مره بطبقه عاليه و مره بطبقه واطيه للأشخاص اللي بيحبوا إنهن يغنوا هاي الأغنيه لإن أغنيه بسيطه و ممكن كتير ناس تحب إن تغنيها معنا، إضافةً لهيك راح نحكي شوي عن تفرعات مقام السيكاه و الهزام و عن إستعمالاتها، نحرب سوا، أول شي نعمل تمرين على مقام السيكاه، تمرين كتير بسيط على نفس النوته، طبعاً أكيد في كتير ناس بتسألني إن ليش نحنا ما عم بنعمل... أو عم بتسأل حالها ليش ما عم بنعمل تمارين فوكاليز على مقام السيكاه؟ ببساطه لإن مقام السيكاه أو مقام الهزام هو مبني على درجة نصف بي مول، بالتالي حيكون كتير صعب إني أنا أجرب أعمل عليه فوكاليز الأفضل غني أنا إقدر إسمع و إرجع أطبق، إسمع المقام موسيقياً و إرجع أطبقه، لحديت ما أوصل لمرحله إن أنا قادر من أي طبقه إقدر آخد المقام اللي أنا بدي اياه بدون أي آله موسيقيه، و هادا الإشي راح نحكي عنه أكيد بالكورسات القادمه (يعزف الأستاذ ريبال التمرين)، ناخد تمرين صغير على الهزام حنقول (يقرأ الأستاذ ريبال التمرين قراءة ايقاعية)، أعيده كمان مره (يقرأ الأستاذ ريبال التمرين قراءة ايقاعية).
حجرب أقوله من الواطي هلأ (يقرأ الأستاذ ريبال التمرين قراءة ايقاعية)، إرجع لطبقتي الأساسيه (يقرأ الأستاذ ريبال التمرين قراءة ايقاعية)، حجرب أقوله من هون (يقرأ الأستاذ ريبال التمرين قراءة ايقاعية)، حنقول (يقرأ الأستاذ ريبال التمرين قراءة ايقاعية).
هلأ بالنسبه لهاي الأغنيه طبعاً في إلها كتير... كتير تنويعات يعني في كتير ناس بتغنيها بأساليب مختلفه، صباح فخري بيغنيها غير السيده فيروز غير... غير يعني حنسمعها بأصوات كتير مطربين حنكتشف إن كل حدا بيغنيها بأسلوب مختلف، نحنا حنعتمد الأسلوب ياللي أنا غنيته هلأ لحتى تكون سهله شوي أكتر، هلأ لاحظوا إن الأغنيه كتير بسيطه كلحن (يقرأ الأستاذ ريبال التمرين قراءة ايقاعية).
أنا عم بتعامل مع الهزام عم ببتدي بطبقة الحجاز بعدين بطبقة الهزام (يقرأ الأستاذ ريبال التمرين قراءة ايقاعية)، أنا عم بشتغل على الحجاز بعدين (يقرأ الأستاذ ريبال التمرين قراءة ايقاعية)، حتى أخلص على الهزام، منطقه وحيده عدلنا بالأغنيه لما عملنا (يقرأ الأستاذ ريبال التمرين قراءة ايقاعية)، عملت جنس نهاوند من الصول إذا كنا عم بنتعامل مع هزام المي نص بي مول، بدلت الجنس التاني اللي هو حجاز اللي هو كان (يقرأ الأستاذ ريبال التمرين قراءة ايقاعية)، تعاملت معه على اعتباره جنس نهاوند صول (يقرأ الأستاذ ريبال التمرين قراءة ايقاعية).
و رجعت (يقرأ الأستاذ ريبال التمرين قراءة ايقاعية)، بس هادا النقله الوحيده ياللي غيرتها."
