يتحدث الأستاذ ريبال عن مقام الكرد و البيات و الصبا و الحجاز و النهوند و يقارن بين الأجناس المشتركة الموجودة بينها.
ريبال خضري:
"مرحبا، أنا ريبال من إعزف دوت كوم.
بعد ما تناولنا أربع مقامات على درجة الراي أو على الدرجه التانيه أو عدرجة الدوكا اللي هنن مقام الكرد البيات الحجاز الصبا، اليوم تعوا نجرب ناخد تمارين نشوق كيف ممكن إني أنا أميز المقامات عن بعضها، هلأ أنا لو بدي أقاطعهن مع بعضهن بطريقه بشوف شو الإشيا المشتركه بين هاي المقامات، أول شي مقام البيات و الكرد و الحجاز مشتركين بإن بالجنس التاني الأعلى إلهن هو جنس نهاوند، فإذاً اختلافهن فقط بيكون بالجنس الأدنى، تاني شي راح نلاقي إن مثلاً مقام الكرد و البيات هنن متفقين تقريباً فقط بإن المي هن بتكون مول هون بتكون نص بي مول، فينا نعمل تمرين عهادا الكلام حتى نجرب نشوف كيف ممكن إنتقل بيناتهن و كيف ممكن إقدر أميزهن سمعياً (يعزف الأستاذ ريبال التمرين).
لو أنا بدي أقول (يقرأ الأستاذ ريبال التمرين قراءة ايقاعية)، أنا هون بالكرد بحس في بعد غربي شوي و أنا عم بشتغلها أو بعد حزين بسيط يعني بس بحس إني قادر إسمعها بصوت البيانو أو بصوت الغيتار أو بصوت الآلات الغربيه، هلأ لو بدي أعيد نفس الميلودي من البيات حيكون (يقرأ الأستاذ ريبال التمرين قراءة ايقاعية)، لاحظتوا (يقرأ الأستاذ ريبال التمرين قراءة ايقاعية)، كانت (يقرأ الأستاذ ريبال التمرين قراءة ايقاعية)، صارت (يقرأ الأستاذ ريبال التمرين قراءة ايقاعية)، حنعيدها مره تانيه (يقرأ الأستاذ ريبال التمرين قراءة ايقاعية).
هلأ حنجرب نقولهن تنيناتهن ورا بعض لحتى أحاول إني أفكر بالعلامه التانيه كيف بدي اياها أحركها (يقرأ الأستاذ ريبال التمرين قراءة ايقاعية)، كتير قريب من الراي، هلأ بياتي (يقرأ الأستاذ ريبال التمرين قراءة ايقاعية)، حجرب آخدها من مكان تاني (يقرأ الأستاذ ريبال التمرين قراءة ايقاعية).
حجرب آخدها عالبيات (يقرأ الأستاذ ريبال التمرين قراءة ايقاعية)، آخدها أعلى كمان (يقرأ الأستاذ ريبال التمرين قراءة ايقاعية)، هلأ حجرب آخد بياتي من نفس الدرجه (يقرأ الأستاذ ريبال التمرين قراءة ايقاعية)، لاحظتوا العلامه أو الحركه النوته التانيه هي اللي عم بحركها، كانت (يقرأ الأستاذ ريبال التمرين قراءة ايقاعية)، صارت (يقرأ الأستاذ ريبال التمرين قراءة ايقاعية)، حركه كتير صغيره أو برفعها تكه صغيره لحتى صير قادر إني أنا أحول المقام لبيات (يقرأ الأستاذ ريبال التمرين قراءة ايقاعية)، آخر مره، كرد بالأول (يقرأ الأستاذ ريبال التمرين قراءة ايقاعية).
أما على البيات (يقرأ الأستاذ ريبال التمرين قراءة ايقاعية)، هاي مثال لكيف بقدر أفكر بالأبعاد بين أو بالإختلافات بين الكرد و مقام البيات، هلأ لو جربت إني أنا أشوف مقام تاني فيه تشابه حشوف الكرد و الحجاز، مقام الكرد هو مقام فيه الراي و المي بي مول و الفا و... الفا بتكون طبيعيه و الصول عاديه.
هلأ بمقام الحجاز حيكون عندي الراي مي بي مول و الفا دييز بعدين صول، حشوف كيف، هاي الكرد (يقرأ الأستاذ ريبال التمرين قراءة ايقاعية)، أما بالحجاز حيكون (يقرأ الأستاذ ريبال التمرين قراءة ايقاعية)، يعني فرق صغير كمان غيرلي المقام، ناخد مثال (يعزف الأستاذ ريبال التمرين)، على الكرد (يقرأ الأستاذ ريبال التمرين قراءة ايقاعية)، عالحجاز (يقرأ الأستاذ ريبال التمرين قراءة ايقاعية)، المقام كله تغير بس لإن الجنس الأدنى تغير لإن الفال اللي كانت طبيعيه صارت فا دييز (يقرأ الأستاذ ريبال التمرين قراءة ايقاعية)، أو خلينا ناخدها من أعلى شوي (يقرأ الأستاذ ريبال التمرين قراءة ايقاعية)، عالحجاز (يقرأ الأستاذ ريبال التمرين قراءة ايقاعية)، لو أخدتها من هون (يقرأ الأستاذ ريبال التمرين قراءة ايقاعية)، عالحجاز (يقرأ الأستاذ ريبال التمرين قراءة ايقاعية).
لو أخدتها أعلى كمان (يقرأ الأستاذ ريبال التمرين قراءة ايقاعية)، حجرب كمان نفسها من الحجاز (يقرأ الأستاذ ريبال التمرين قراءة ايقاعية)، آخر مكان حقول كرد و حجاز سوى، حقول كرد (يقرأ الأستاذ ريبال التمرين قراءة ايقاعية)، حجاز من نفس المكان (يقرأ الأستاذ ريبال التمرين قراءة ايقاعية).
نوته صغيره غيرلتي كل المقام ياللي أنا عم بشتغل عليه، ممكن كمان إني... معناتها أنا عندي الكرد إلى حدٍّ ما فيه شبه كتير كبير من البيات، الكرد فيه شبه كتير كبير من الحجاز."
