يقدم ريبال تمرين أكثر تعقيداً للتمرين على مقام البيات مع التركيز على الانتقال بين النوتات المختلفة.
ريبال خضري:
"مرحبا، أنا ريبال من إعزف دوت كوم.
نكفي اليوم مع مقام البيات و ناخد تمرين أكثر تعقيداً على مقام البيات نقوي فيه الإستاع، نوقي الإدن، نقوي طريقة غناء مقام البيات (يعزف الأستاذ ريبال التمرين).
حنقول (يقرأ الأستاذ ريبال التمرين قراءة ايقاعية)، هادا التمرين الأهميه فيه إن أنا أول شغله البدايه تبعه حتكون سهله علي لما أنا أعمل ترانسبوزيشن، لما أنا أطلع قسم قسم أو لما أطلع سيمي تون سيمي تون، حتكون سهله علي لإن أنا عم بطلع من الراي أو من... من الراي للا للراي، بستخدم الأولى و الخامسه و التامنه، فهنن من العلامات اللي سهلة الإستذكار بعدين بعد ما أكون أنا فهمت المقام أكتر بقدر إني إنزل من فوق لتحت أستعرض كل علامات المقام، نقول سوى (يقرأ الأستاذ ريبال التمرين قراءة ايقاعية).
أحاول إني أنا أنظم نفسي بشكل أفضل، إن أنا بإمكاني أقول (يقرأ الأستاذ ريبال التمرين قراءة ايقاعية)، و فيني أقولها كامله من أولها لآخرها بنفس واحد (يقرأ الأستاذ ريبال التمرين قراءة ايقاعية)، و فيني إني أنا أقطعهن كل مجموعه كل نوته لحال (يقرأ الأستاذ ريبال التمرين قراءة ايقاعية)، بس النوتات الأخيره بدي أحاول إني أنا أحافظ عليها قد ما بقدر، طبعاً هادا الإشي بيلعب دور فيه لما إنتي بتقرر أني... أني نوع إنتا راح تفضل إنك تغني، راح يلعب دور فيه طبيعة تنفسك، قديش إنتي عم بتمرن تنفسك، قديش إنتي عم بتحاول إن نفسك يكون أطول، حنرجع نعيد سوى (يقرأ الأستاذ ريبال التمرين قراءة ايقاعية)، آخر واحد (يقرأ الأستاذ ريبال التمرين قراءة ايقاعية).
بهذا التمرين ما في كتير مانع لو أنا شوي شديت على حنجرتي لحتى أحاول إني أنا أحس كيف مقام البيات، أحس بأسلوب النوتات اللي متصل ببعضه أكتر، لو جربت إني أنا أعيد هاد التمرين لحدا صوته باس أو صوته... أو صوتها ألتو حقوله من تحت (يقرأ الأستاذ ريبال التمرين قراءة ايقاعية)، لاحظوا كيف أنا عم بعرب النوتات النازله مش عم بخليها (يقرأ الأستاذ ريبال التمرين قراءة ايقاعية)، لأ عم بحركها (يقرأ الأستاذ ريبال التمرين قراءة ايقاعية)، آخر وحده (يقرأ الأستاذ ريبال التمرين قراءة ايقاعية)، إبتديت بالقرار و انتهيت بالجواب."
