تطبيق جديد على أغنية لملمت ذكرى لقاء الأمس.
ريبال خضري:
"مرحبا، أنا ريبال من إعزف دوت كوم.
اليوم الدرس راح نستعرض فيه قصيده من قصائد السيده فيروز، راح انغني لملمت ذكرى لقاء الأمس، راح نشوف كيف أنا بدي إبتدي من أول القصيده لآخرها، كيف بدي أول شي أتدرب عليها كلفظ، كيف بدي إحفظ الجمل اللّحنيه، كيف بدي أحط النفس، يعدين وين بدي أحط العرب الصوتيه و كيف بدي آخد إخراج الأغنيه بالآخر بالكامل من صوتي، حنسمع أغنية لملمت ذكرى مره في البدايه، راح نقول الأغنيه، طبعاً هون نحنا راح نستعرض الأغنيه فقط من طبقه وحده لإن الغايه الأولى و الأخيره بس إن نحنا نقدر نفهم كيف نقدر انغنيها لـ... كيف ممكن إني أنا أحفظ الأغنيه مش تحديداً لملمت ذكرى، لأ هي مثال على باقي الأغاني، بس بنهاية الدرس أنا راح إعزفها بدون ما أغنيها لأي شخص هو حابب إن يجرب يغنيها على نفس الطبقه اللي أنا غنيت عليها (يعزف الأستاذ ريبال التمرين)، أنا راح إشتغل على نهاوند الراي أو اللي بيسموه مقام البوسليك (يقرأ الأستاذ ريبال التمرين قراءة ايقاعية).
ملاحظات سريعه على الأغنيه، متل كل ما بنطلع أي أغنيه، نحنا بهاي الأغنيه استعرضنا مقام النهاوند من الراي، مرقنا على مقام عجم الفا اللي هنن عباره عن مقامين متصلين مع بعضن، ليه؟ لإن أولردي أنا عندي العجم الموازي للفا هو نهاوند الراي، نحنا يمكن بالكورس... بواحد من الكورسات السابقه حكينا إن العجم دائماً إله مرافق بالنهاوند بيكون أقل منه بتلات نوتات، ما بيتغير عنه أي شي، يعني أنا لما بقول عندي عجم دو، فالنهاوند المقابل إله أنا عم بحكي على نهاون اللا، لما أنا عم بحكي عندي عجم الراي فأنا النهاوند المقابل إله هو نهاوند السي."
