ادخل بريدك الإلكتروني لتبدأ مجاناً الآن

أو

بالضغط على الزر اعلاه اوافق على شروط واحكام موقع إعزف
13.1 - موشح جادك الغيث على مقام الهزام

يشرح الأستاذ ريبال الموشح من ناحية اللفظ و اللحن كتطبيق على مقام الهزام و يشرح أيضا إيقاع الموشح.


ريبال خضري:


"مرحبا، أنا ريبال من إعزف دوت كوم.


اليوم بعد ما حكينا عن مقام السيكاه، و بعد ما شفنا شو الفرق بين السيكاه و بين الهزام و أخدنا أغنيه بسيطه على مقام الهزام، اليوم بدنا ناخد موشح على مقام الهزام، راح نقول موشح جادك الغيث إذا الغيث همى، راح أشوف الكلام قدامي مع النوت، راح نقرأ الكلام مره، برجع بذكر ياللي عنده مشكله باللفظ بدي الحل عندي إني أنا أحط القلم بتمي و إني أنا أشد الحروف أكتر، حنجرب نقرأ مره (جادك الغيث) على الأقل إني أقرأها مره و لو بدون... يعني بدون ما أحط القلم بس إقرأها أشدد إن أنا الحروف عندي صح (جادك الغيث إذا الغيث هما- يا زمان الوصل بالأندلس، لم يكن وصلك إلا حلما- في الكرى أو خلسة المختلس، حين لذ الأنس مع حلو اللمى- هجم الصبح هجوم الحرس، غارت الشهب بنا أو ربما- أثرت فينا عيون النرجس)، متل ما حكينا سابقاً إن أنا عندي المقام... الموشح بيكون عباره عن اربع أجزاء، الجزء الأول متل الثاني متل التالت متل الرابع، حنعزف الموشح مره، طبعاً الموشح أكيد موجود فيكن تسمعوه بأصوات عظيمه، فيكن تسمعوه بصوت أكيد صوت الإستاذ صباح فخري (يعزف الأستاذ ريبال التمرين).


أول مره راح أقول مقام الهزام (يقرأ الأستاذ ريبال التمرين قراءة ايقاعية)، لاحظنا كيف حاولت إني أنا أعرب شوي أحاول أحسها أكتر مش مجرد إني أنا اقولها مقام جامد و أخلص، هلأ بدي إنتبه كمان شغله إن أنا الإيقاع الموجود عندي هو إيقاع سبعه عتمنيه، سبعه عتمنيه يعني أنا عم بحكي إن أنا عندي سبع ضربات كويفر إن إيتش بار، سبع ضربات كويفر حيتقسموا بأول شي ثلاثي يعني تلاته كويفر بعدين أربعه كويفر، دائماً الموازين اللي بتكون أكتر... غير تنين على أربعه، تلاته على أربعه، أربعه على أربعه، أو إن إنغلش تو أوفر فور، ثري أوفر فور، فور أوفر فور، فأنا بيكونوا هدول الموازين مركبين بطريقه خاصه، يعني لازم يكون سبعه عتمنيه يكون مكون من بارين متصلين مختلفين عن بعضهن، يعني كإني أنا عم بقول عندي بار تلاته عتمنيه بيتبعه بار أربعه عتمنيه، هلأ إيقاع الموشح جادك الغيث هو إيقاع بنسميه الدور الهندي، يعني (يقرأ الأستاذ ريبال التمرين قراءة ايقاعية).


أنا عم بيكون عندي دائماً العصايه لفوق معناتها (دوم)، العصايه اللي تحت معناتها أنا بدي أقول (تك)، حإرجع إعزفه مره (يقرأ الأستاذ ريبال التمرين قراءة ايقاعية)، طبعاً في طريقتين للكتابه لكتابة هادا الإيقاع، في البعض بيكتبه (دوم تاك تاك)، هاي أول بار ثلاثي، بعدين البار الرباعي بيكون عندي دوم مع رست مع تك مع رست كويفر كويفر كويفر، يعني رست اللي عم بتكون عندي كويفر، أو في البعض بيكتبها بطريقة إن الدوم هي عباره عن بالقياس التاني أو بالقسم التاني لما أنا عم بقول أربعه عتمنيه عم بيكون عندي كروتشت مع كروتشت تاني، في ناس بتكتب كويفر رست كويفر رست، في ناس بتكتب كروتشت كروتشت بدون رستات، نجرب مره تانيه (يقرأ الأستاذ ريبال التمرين قراءة ايقاعية). 

هادا بالنسبه للإيقاع."


فيديوهات دروس الدورة - تعلم الغناء العربي 4
1.1 مراجعة تعريف الأوكتاف Opened 04:34
1.2 مقام البيات Opened 03:46
2.1 تمرين على مقام البيات Opened 04:39
2.2 موشح بالذي أسكر Opened 04:51
3.1 تمرين أكثر تعقيداً على مقام البيات Opened 04:41
3.2 أغنية أنا بعشقك لميادة الحناوي Opened 04:06
3.3 أجناس مقام البيات Opened 04:26
4.1 أمثلة من التراث على البيات Opened 06:30
4.2 مقامات متفرعة من البيات Opened 05:32
5.1 طبيعة صوت كل شخص Opened 05:17
5.2 أنماط مختلفة في الغناء العربي Opened 05:12
6.1 تمرين كروماتيك Opened 05:12
6.2 الربع أم الثلاثة أرباع ؟ Opened 04:55
7.1 مقام الصبا Opened 05:09
7.2 أغنية يا هويدلك Opened 04:39
8.1 تمرينات أكثر تعقيداً على مقام الصبا Opened 06:36
8.2 أجناس مقام الصبا Opened 06:28
8.3 متابعة تطبيقات مقام الصبا Opened 05:20
9.1 أغنية الأماكن لمحمد عبده Opened 04:44
9.2 متابعة أغنية الأماكن لمحمد عبده Opened 04:55
10.1 لملمت ذكرى Opened 05:25
10.2 غناء كلمات القصيدة بالشكل السليم Opened 03:44
10.3 متابعة لملمت ذكرى Opened 04:31
11.1 تمييز المقامات المختلفة Opened 05:12
11.2 مقام السيكاه Opened 04:24
12.1 مقام الهزام Opened 04:40
12.2 الفرق بين الهزام و السيكاه Opened 05:21
13.1 موشح جادك الغيث على مقام الهزام Opened 04:11
13.2 متابعة موشح جادك الغيث على مقام الهزام Opened 03:39
13.3 تلخيص موشح جادك الغيث على مقام الهزام Opened 03:05
14.1 أغاني شعبية على مقام الهزام Opened 04:55
14.2 أغنية بيلبقلك شبك الألماس Opened 05:58
14.3 تفرعات مقام الهزام و السيكاه Opened 05:20
15.1 أخطاء شائعة عند المغنيين لا بد من تجنبها Opened 05:18
15.2 نصائح عامة Opened 03:44